Your address will show here +12 34 56 78
Geodinamika, Geologia, Nazioartekoak
Baltikoko itsasoko uretan egin duten aurkikuntzak Harri-Aroko subsidentzia patroiei buruzko informazioa ematen du. Aurkitutako egiturek kultura glaziar berantiarren eta mesolitikoen ikuspegi bikaina eman dezakete.

Normalean, horrelako egiturek ez dut irauten kontinentearen lurrazalean. Harri-Aroko megaegitura, ordea, kontserbatu egin da, Mendebaldeko Itsaso Baltikoaren urpean baitago gaur egun.

Ziur aski duela 10.000 urte baino gehiago eraiki zuten talde ehiztari-biltzaileek eta Littorina transgrezioarekin urperatu egin zen, orain dela 8.500 urte inguru. Geroztik, urpean babesean egon izanagatik modu paregabean kontserbatu da, orduko bizimodu eta lurralde-garapen ikerketetarako oinarri bihurtuz.

Informazio gehiago hemen.

Irudiaren iturria: www.nationalgeographic.com
0

Geodinamika
Hainbat urteko ikerkuntza ondoren, zientzialariek Ozeano Barearen hegoaldean urpean dagoen kontinente bat kartografiatu dute lehen aldiz. Lurrazal kontinental zati hori, duela milioika urte urperatu zen eta Zelandia izenez ezagutzen da, edo izen indígena maoriarrez, Te Riu-a-Maui.

Frogatu dutenez “Zelanda Berria ez da uharte pare bat soilik; egia esan, kontinente erraldoi bat da, Australiaren tamainaren erdia duena ia, baina zatirik handiena ur azpian du”.

Gaur egun Zelandia dena ozeanoan hondoratu zen, ia erabat urperatuz duela 25 milioi urte. Gaur egun, kontinentearen %5a bakarrik gelditzen da itsas mailatik gora: Zelanda Berriko uharteak, Kaledonia Berria eta Australiako irla batzuk, hain zuzen ere.

Informazio gehiago hemen.

Irudiaren iturria: www.nationalgeographic.com
0

Geodinamika
Lurrazalean gertatzen diren prozesu asko Lurraren nukleoan dute jatorria, milaka kilometroko sakoneran, eta alderantziz. Aspalditik, zientzialariek nukleoan gertatzen diren prozesuak aztertzen dituzte eremu ezagunenean, lurrazalean, gertatzen diren fenomenoak azaltzeko.

Premisa honekin, Wuhango Unibertsitateko ikertzaile-talde batek orain arte ezagutzen ez zen nukleoko irregulartasun txiki bat aztertu du ezusteko ondorio bat ateraz. Lurraren barne-nukleoa 8,5 urtero kulunkatzearen ondorioz egunen eta gauen iraupena eta baita poloen mugimendua ere azaltzen ditu.

Ikerketa ‘Nature Communications’ aldizkarian argitaratu da, eta egileek uste dute gure planetaren barne-funtzionamendua behatzeko modua aldatzeko balioko duela.

Informazio gehiago hemen.

Irudiaren iturria: www.eldebate.com
0

Geologia, Mineralogia
Zergatik ez da apenas eratzen gaur egun Lurrean Dolomitak eta antzina eratutako beste egitura geologiko desberdinak osatzen duten minerala? Zergatik ez gara gai laborategietan dolomita ingurumen-baldintzetan kristalizatzeko? Arroka sedimentarioak eratzen diren tenperaturetan, badirudi dolomitazko kristalek kaltzio- eta magnesio-atomoen antolamendu bereizgarria lortzeko modu bakarra dela partzialki disolbatu eta berriro kristalizatzea. Baina garrantzitsua da jakitea dolomitaren magnesio eta kaltzio atomoen antolamendu osoa ehunka urte, milioi urte edo dozenaka milioi urtetan gertatzen den. Lortutako datuei esker, dolomitak geologian ordenatzeko eta birkristalizatzeko erabiltzen den abiaduraren lehen estimazioa egin ahal izan da, eta horrek arrokak datatzeko metodo berriak garatzeko bidea ireki du.

Informazio gehiago hemen.

Irudiaren iturria: https://theconversation.com/
0

Agenda, Geologia, Paleontologia
Groenlandiako iparraldean, Kanbriar goiztiarreko Sirius Basset herri fosilean, harrapakari-talde berri baten fosilak aurkitu dira. Zizare handi horiek duela 518 milioi urte baino gehiago ur-zutabea kolonizatzen hasi ziren lehen haragijaleen artean egon ziren. Zientzilariek orain arte ezagutzen ez zuten harrapakari familia baten aurkikuntza suposatzen du honek.

Informazio gehiago , hemen.

Irudiaren iturria: www.eventoplus.com
0

Geodinamika, Geologia

Jarduera sismiko eta deformazio nabarmenaren ondoren La Palma uharteko El Paso udalerrian, Cabeza de Vaca zonaldean zehazki, 2021eko irailaren 19an hasi zen erupzioa dela eta, IGME-CSIC (Espainiako meatzaritza eta geologia institutoa) eta IGNk (Instituto geografiko nazionala) haien web orrialdeetan hiritarrentzat eskuragarri jarri dute informazio ugaria.

Honek egoeraren segimendu xehea egitea baimentzen du bisore, argazki galeria, bideo eta beste informazio interesgarri baten bidez.

IGME-CSICen web orria: https://info.igme.es/eventos/Erupcion-volcanica-la-palma

IGNren web orria: https://www.ign.es/web/ign/portal/vlc-serie-palma

0

Geodinamika, Geologia

Lurraren nukleoa modu arraro batean jokatzen ari da. Ikerlarien arabera Lurreko nukleoa modu irregular batean galtzen ari da beroa eta horrek nukleoa etengabe gurutzatzen duten onda sismikoetan eragin zuzena dauka.

Gure planetako barne nukleoa, burdin solidoz osatua eta burdin likidozko geruza lodi (kanpo nukleoa) batez inguratua, lurrikaren eragiten dituzten onda sismikoen bidez ikertu daiteke soilik

Kanpo nukleoko burdin likidoaren mugimenduak barne nukleoaren beroa hartu egiten du eta ondorioz barne nukleoa hoztu egiten da eta progresiboki hazi.

Ikerketa berriak honakoa proposatzen du: barne nukleoaren etengabeko hazkuntzan, burdin kristalak ekialdean mendebaldean baino azkarrago hazten dira. Estruktura kristalino hoiek, Lurraren poloekiko paralelo daudenak, onda sismikoentzako “autobide” modukoak dira, estrukturak markatzen duten norabidean azkarrago bidaiatzen baimentzen dituztelako onda sismikoak.

Nukleoak toki batzuetatik besteetatik baino bero gehiago jaso duela esan nahi du hazkuntza irregular horrek.

Aurkikuntza hauen ondorioz, beste galdera harrigarri bat sortu da: izango ote du nukleoaren hozketa desorekatuak Lurraren eremu magnetikoan eraginik?

Informazio gehiago hemen.

0

Geologia, Nazioartekoak

Nazio Batuek hezkuntza, zientzia eta kulturarako duten erakundeak, UNESCOk, interes historiko, kultural, geografiko edo naturalagatik “aparteko balio unibertsala” duten munduko tokiak babesten ditu. Ildo honetan, geoparkeak nazioarteko garrantzia geologikoa duten aparteko toki modura definitzen ditu, non babes, hezkuntza eta garapen jasangaria kontuan hartzen diren.

2021eko apirilaren 21ean, UNESCOren exekutiba-batzordeak Munduko geoparkeen programaren barruan zortzi geoparke berri izendatu zituen, guztira 44 estatuetan 169 toki daudelarik.

Hauek dira geoparke berriak: Vestjylland Danimarkan, Sierra de Santa Cruz Polonian, Aspromonte eta Majella Italian, Turingia Inselsberg-Drei Gleichen Alemanian, Saimaa Finlandian, Grevena-Kozani Grezian eta Belitong Indonesian.

Informazio gehiago hemen.

0

PREVIOUS POSTSPage 1 of 3NO NEW POSTS